Transcription
1
Monsieur, votre letre du XVIII à Valence mha encores trové en
2
ceste ville où je puys asseurer que je neusse mis le pied
3
si jeusse estimé y demeurer si long temps, mys je my
4
treuve embarqué jusques à mercredy procheyn ou jeudy. Jay receu
5
extrème deplaisir de me voyr confirmé en lopinion où jay tousiours
6
esté et pense vous lavoyr escript plus de dix foys, que nous
7
naurons paix que par force ; mès voyant que ceulx qui sont les
8plus sages [barré : se ] suyvant la volunté du maistre fesoient toute
9
aultre contenance, je pensoys beaucoup plus de leur conduyte
10
que de mon discours, et vous diray seulement ce mot
11
que sa magesté nembrasse ce faict daultre sorte. Je ne
12
voy grand moyen que notre province ne soyt du tout ruynée,
13
je ne dis pas perdue, cependant que Dieu nous conservera
14
en santé ung si sage et advisé segneur que vous estes, la
15
verité exclud toute flaterie, de laquelle je suys bien fort
16
aliéné. Mon beau frère ma escript avoyr monstré votre
17
letre à messieurs du pays pour penser aux moyens. Quand
18
dieu permetra que je soye à Grenoble, je ny gasteray rien
19
et my ayderay à mon pouvoyr. Il madvertit aussi vous
20
avoyr envoyé les advertissementz de monsieur de Birago
21
commandant en Piemont et Salusses. Lon nous menasse assés
22
sans nous doner grand moyen dy obvier. Ceste craynte
23
nha gardé monsieur de La Tivolière daller à St Laurens
24
du Pont pour se fère mettre en possession de St Laurens.
25
Noz ennemys pensent en tout aultre menage et nous sommes
26
fort heureux, je ne scay si sages, de ne laisser pour tout cela
27
à estre si curieux des [mots raturés] affayres domestiques. Monsieur le baron
28
[69 v°] des Adrestz est en ce lieu avec le baron de St Trriviet son
29
beau , [, frère] que presenta hyer XXIIIe sa grace en laudience.
30
Je voy bien que la guerre du Daulphiné ne lechauffera
31
guières sil ny est poulsé par quelcung qui y aye bon
32
credit. Monsieur le marquis de La Chambre me monstra
33
hyer une letre de monsieur le vicomte son filz de La Tour
34
du Pin, par laquelle il luy escripvoyt que le commissère estoyt
35
arrivé pour fère leur monstre et quil navoyt volu
36
declarer à personne où la compagnie devoyt aller, si non
37
que mondit sieur le marquis sy trova en personne. Si cela
38a esté escript au vray, encores vouldroys je que no [barré : u ] s
39
affères de guerre se gouvernassent sans ses bruitz qui
40
ne font que metre en jalousie ceulx qui deulx mesmes
41
sont assés umbrageux. Monsieur le president Miliet est
42
en Suysse depuys mon arrivée pour bourner quelques limites
43
avec ceulx de Berne qui y ont mandé lung de leurs
44
advoiés. Jentens quil y ha des difficultés. Je nay encor[e]
45peu scavoyr si laliance de ceulx de Genève ha esté [barré : conclue ]
46
arrestée. Il y ha ung article assés difficil que demandent
47
les catholiques de Fribourg et Soleure quest que quand
48
ilz iront audit Genève pour le faict de laliance, ilz y
49
puissent fère dire messe. Si ledit sieur president est de
50
retour entrecy et mon partement, jen scauray la verité,
51
mays jaymeroys mieulx scavoyr de vous, monsieur,
52
une conclusion de paix ou tresve longue et asseurée
53
pour le Daulphiné. Je suys contraynt vous dire encores une
54
foys que si le roy ne met la meyn aux armes et à la
55
[fol. 31 r°]
56
bource, elle nous est plus que necessayre. Je veis
57
prier le Createur par sa grace nous y acheminer ou bien
58
les vostres à y reduyre lennemy avec tel zèle que chacung
59
devroyt avoyr en faict si important et vous doner,
60
monsieur, en santé heureuse et longue vie. De Chambéry,
61
ce XXIIIIe de janvier 1574, à dix heures de nuyt.
62
Votre très humble et obéissant
63
serviteur g deportes
64
Lon nha encores novelles des
65
approches du duc d’Albe.